غباء الشباب هههههههههههههههههه

هادي بعض الاوصاف المنتشره في الشباب قريتها واللي اعجبني فيها انها
كتبت من قبل شاب ( اكيد انو خبير في دي الأمور)

واتمنى من البنات التمعن في هادي الاوصاف.... كويس مو كويس

((شوفوا دلاخة بعض الشباب))

7
7
7
7
فيه نوعية من الشباب الله ابتلاهم بالدلاخة ( الغباء ) وهما ما يدرو انهم

دلوخ وأصحابهم ما قالولهم مراعاة لشعورهم

عشان تعرفي بأنو دا أو داك دلخ وبجدارة ومن علامات الدلخ اجارنا الله

واياكم كا التالي :

1/ إذا شفتي واحد وقف سيارتو اخر الليل جنب بابهم وفتح باب السيارة

بسرعة واخد كم حجر معاه عشان يطارد لو بس ( قط ) كان واقف قدام

بابهم فأبصمي بالعشرة ان المزكور دلخ وعلاجة كم تفلة من مطوع

الحارة وبعدها ان شاء الله انو حيتحسن. ( تخيلها بعمق )

.................................................. .

2/ إذا شفتي واحد في السوق منشئ الشماغ وقاعد يلاحق وحدة

تسحب وراها 3 أو 4 من عيالها وعلى كتفها شايلة طفل والحبيب

وراها من محل الى محل يبغى الحبيب يرقم (ونسي ان عندو في البيت

حريم ) فهدا والعياذ بالله دلخ مستدلخ وهدا النوع خطير على

الحياةالفطرية.

(هدا البعيد مو آدمي وربي))

.................................................. ...

3/إزا شفتي واحد من دول الشباب الي يتابع أرقام خط الصداقة الدولي

ويقعد يتصل عليهم وكمان من دلاختو حتى الأنجليزي ما يعرف منو ألا كم

كلمة ويتميلح بالساعات عشان الخواجيات يضحكو على دقن الي جابو

وأخر الشهر إزا جات الفاتورة يلاقي ذداك المبلغ المحترم صاكينو شركة

الاتصالات بعدها الحبيب يسوي جمعية ( قطة ) مع زملائه عشان يسدد

فاتورة الدلاخة وهدا النوع دلاختة مؤقتة تزول بمجرد الزواج (بعضهم

المرض مستعصي عندو ..لايزول)

.................................................. ..
4/ أما قمة الدلاخة

فهي ان ترسل لك وحده حلوه بالمررره وشعرها طويل من دول البنات

ديك الرسالة على بريدك أو رسائلك الشخصية في المنتدى ألي أنتا متكي

عندو وتكتبلك إنها معجبة فيك وفي أسلوبك في

الكتابة وكمان معجبة في خفة دمك وتقعد طول الليل وأنت قدام المراية

تلمع في سنونك الصفر الي فرشة الأسنان عمرها ما قد مرت من جنبها

وبعد كم شهر من التسحيب على وجهك تتضح ان البنية الأمورة الحلوة

واحد من الثيران الشباب الي ساقط في الكفاءة 7 سنوات

وقتها اعرف انك قد بلغت قمة هرم الدلاخة والله يعينك على المحشات

من أصحابك في المنتدى الي انتا مشخص فية0!!!!